គូ​ឯក​លំដាប់​ពិភពលោក និង​ជំនួប​ពិសេស​ច្រើន​ទៀត​នឹង​បង្ហាញ​នៅ ONE: EDGE OF GREATNESS…!

កីឡា

ម្ចាស់​ខ្សែក្រវាត់ ONE Bantamweight Muay Thai World Champion កីឡាករ Nong-O Gaiyanghadao មិន​រង់ចាំ​យូរ​ដើម្បី​ការពារ​ខ្សែក្រវាត់​របស់ខ្លួន​ម្ដង​ទៀតឡើយ​។ ជើង​ខ្លាំង​ថៃ​វ័យ ៣២ ឆ្នាំ ដែល​ការពារ​ខ្សែក្រវាត់​បានសម្រេច​ក្រោយ​ឈ្នះ​ពិន្ទុ​កីឡាករ​អាល់​ហ្សេ​រី Brice Delval កាល​ខែ​មុន ត្រូវ​វិល​ទៅ​ប្រកួត​ក្នុង​កម្មវិធី ONE: EDGE OF GREATNESS នា​សង្វៀន Singapore Indoor Stadium ប្រទេស​សិង្ហ​បុរី នៅ​ថ្ងៃ​សុក្រ​ទី ២២ ខែ វិច្ឆិកា ខាងមុខ​។ Nong-O នឹង​ជួប​មិត្ត​រួម​ជាតិ Saemapetch Fairtex ក្នុងការ​ប្រកួត​គូ​ឯក​ដណ្ដើម​ខ្សែក្រវាត់​។

​ ​
Nong-O ជា​កូនសិស្ស​នៅ​ក្លិប​ប្រដាល់ Evolve របស់​សិង្ហ​បុរី និង​បាន​ចូលរួម​ប្រកួត ONE Super Series កាល​ខែមេសា​ឆ្នាំ ២០១៨​។ ក្រោយ​ឈ្នះ Fabio Pinca និង Mehdi Zatout អ្នកលេង​គុន​ថៃ Nong-O បាន​យកឈ្នះ​ជើង​ខ្លាំង​ចិន Han Zi Hao កាល​ខែកុម្ភៈ​ដើម្បី​កាន់​ខ្សែក្រវាត់ ONE Bantamweight Muay Thai World Championship ដែល​ដាក់​ឲ្យ​ប្រកួត​លើកដំបូង​។ ម្ចាស់​ខ្សែក្រវាត់​រូបនេះ​ការពារ​ខ្សែក្រវាត់​ពីរលើក​បាន​ជោគជ័យ លើ​កីឡាករ​ជប៉ុន Hiroaki Suzuki និង Delval មុននឹង​ឡើង​ការពារ​ខ្សែក្រវាត់​លើក​ទី​៣​នៅ​សិង្ហ​បុរី​នា​ចុងខែ វិច្ឆិកា​។ ចំណែក Saemapetch ទទួលជោគជ័យ​យ៉ាង​ត្រចះត្រចង់​លើ​នៅ​កម្មវិធី ONE Super Series​។ Saemapetch បានបង្ហាញ​ខ្លួន​នៅ​ខែ កក្កដា ឆ្នាំ ២០១៨ ហើយ​កីឡាករ​វ័យ ២៥ ឆ្នាំ​មកពី Pattaya បាន​បង្កើត​ឲ្យ​មាន​ភាព​ភ្ញាក់ផ្អើល​ជា​បន្តបន្ទាប់​។ អ្នក​ប្រដាល់​មកពី​ក្លិប Fairtex បាន​យកឈ្នះ Alaverdi Ramazanov និង Ognjen Topic ដែល​ធ្វើ​ឲ្យ​មានការ​ចាប់អារម្មណ៍​។

​ក្រៅពី​គូ​ឯក កីឡាករ​ម្ចាស់​ស្រុក Amir Khan ត្រូវ​ជួប​ជើង​ខ្លាំង​ម៉ាឡេស៊ី Ev “E.T.” Ting ក្នុង​លំដាប់​គូ​ឯក​រង​។ កីឡាករ​ទាំងពីរ​សុទ្ធ​ជា​ជើង​ខ្លាំង​ក្នុង​ពិភព​គុន​ចម្រុះ​លើ​ប្រភេទ​ទម្ងន់ lightweights​។ Khan ជា​ជើងឯក Muay Thai សញ្ជាតិ​សិង្ហ​បុរី​ដែល​ហ្វឹកហាត់​នៅ​ក្លិប Evolve និង​ជា​កីឡាករ​ដែល​តែងតែ​ធ្វើ​ឲ្យ​ដៃគូ​សន្លប់​ជារឿយៗ​។ កីឡាករ​វ័យ ២៤ ឆ្នាំ​រូបនេះ​មាន​អត្រា​បញ្ចប់​គូប្រកួត​រហូតដល់ ៩១ ភាគរយ​។ គេ​បញ្ចប់​កីឡាករ​គុន​ចម្រុះ​ជើងចាស់ Adrian Pang និង​អតីត​ម្ចាស់​ខ្សែក្រវាត់ ONE Featherweight World Champion កីឡាករ Honorio Banario​ដែលមាន​ជំនាញ​ប្រកួត​ស្រដៀង​នឹង​គូបដិបក្ខ «E.T.»​ដែរ​។Ting ជា​ជើងឯក New Zealand featherweight champion មកពី​ក្លិប Auckland MMA​។ Ting បាន​យកឈ្នះ​Daichi Abe, Edward Kelly, និង​អតីត ONE Welterweight World Champion កីឡាករ Nobutatsu Suzuki​។ វា​ច្បាស់​ជា​ល្អមើល​ជាមិនខាន​ពេល Ting ជួប​កីឡាករ​ម្ចាស់ផ្ទះ​ដែល​សម្បូរ​ដោយ​អ្នកគាំទ្រ​។ ប្រភព៖thmeythmey

Leave a Reply

Your email address will not be published. Required fields are marked *