បរទេស៖ ជាការពិត តារាចម្រៀងលំដាប់ថ្នាក់អន្តរជាតិវ័យ ២៨ឆ្នាំ Selena Gomez ជាតារាចម្រៀងស្រីដែលមានអ្នកស្គាល់ច្រើនទូទាំងប្រទេស មិនតែប៉ុណ្ណោះ នាងក៏ទទួលបានប្រជាប្រិយភាពខ្លាំងផងដែរ។ បើទោះបី តារាស្រីរូបនេះធ្លាប់បានបាត់មុខពីសិល្បៈមួយរយៈធំកន្លងមក ក៏នាងនៅតែមានវត្តមានក្នុងដួងចិត្តអ្នកគាំទ្រជានិច្ច។

យ៉ាងណាមិញ យើងអាចនិយាយបានថា Selena Gomez ជាតារាចម្រៀងស្រីម្នាក់ ដែលមានការងារច្រើន តែនាងនៅតែឆ្លៀតពេលធ្វើរឿងល្អៗ ដោយហ៊ានចំណាយថវិការផ្ទាល់ខ្លួនជាច្រើន ដើម្បីបានជួយទៅកាន់ជនក្រីក្រ និងប្រទេសមួយចំនួនកំពុងជួបគ្រោះអាសន្នជាដើម។ ម្យ៉ាងវិញទៀត តារាច្រៀងស្រីរូបនេះ តែងតែធ្វើឲ្យមហាជន និងអ្នកគាំទ្រនាងផ្ទាល់រំភើប និងកោតសរសើរពីទឹកចិត្តដ៏ល្អរបស់នាង ស្ទើរតែគ្រប់ពេល បើទោះបី តារាស្រីរូបនេះបានយកថវិការាប់លានដុល្លារទៅបរិច្ចាគ ក៏នាងមិនបង្ហោះអួតសម្ញែងច ង់បានភាពល្បីល្បាញ ឬចង់បានសំណងអ្វីឡើយ។

ជាក់ស្ដែង ក្នុងឆ្នាំនេះផ្ទាល់ ដូចដែលប្រិយមិត្តអ្នកអាន និងនិយមតាមដាននៅរាល់ព័ត៌មានទាំងក្នុង និងក្រៅស្រុកបានដឹងស្រាប់ហើយថា ឆ្នាំនេះផ្ទាល់មានបាតុភូត ជាច្រើនបានកើតឡើង ដូចជា មានផ្ទុះនៅជំងឺ​កូវីដ-១៩ ភ្លើងឆេះព្រៃ នៅប្រទេសអូស្រ្តាលី ហើយថ្មីៗនេះ មានករណីផ្ទុះឃ្លាំងផ្ទុកសារធាតុគីមីនៅក្នុងប្រទេសលីបង់ផងដែរ។ ដោយរាល់ព្រឹត្តិការណ៍ដែលកើតឡើង Selena ក៏មិនឈរឱបដៃមើល ជាពិសេស នាងក៏បានចំណាយថិវិកាជួយម្ដងៗខ្ទង់លានដុល្លារឯណ្ណោះ ហើយខាងក្រោមនេះតម្លៃនៃលុយ ដែលនាងបានបរិច្ចាគចេញពីទឹកចិត្តរបស់នាងផ្ទាល់៖

១៖ ភ្លើងឆេះព្រៃនៅប្រទេសអូស្ត្រាលី តារាចម្រៀងស្រីរូបនេះបានជួយជាទឹកប្រាក់រហូតដល់ ៣លានដុល្លារ។

២៖ កាលពីមានជំងឺ Covig_19 ផ្ទុះឡើងទូទាំងពិភពលោក Selena Gomez ក៏បានចំណាយថវិកាផ្ទាល់ខ្លួនផងដែរ តែមិនបានបញ្ជាក់ពី ទឹកប្រាក់នោះទេ។

៣៖ Selena Gomez ទើបតែបង្កើតមូលនិធិសេវាកម្មសុខភាពផ្លូវចិត្តមួយ ដែលត្រូវចំណាយប្រាក់រហូតដល់ ១០០ លានដុល្លារ។

៤៖ ថ្មីៗនេះ ប្រទេសលីបង់ បានជួបគ្រោះធំ ដោយសារផ្ទុះឃ្លាំងផ្ទុកសារធាតុគីមីផងដែរ ក្នុងនោះ Selena Gomez ក៏បានចំណាយថវិកាជាថ្មី ដែលជាលុយផ្ទាល់ខ្លួនរហូតដល់ ១០លានដុល្លារ។

គួរបញ្ជាក់ផងដែរថា តារាចម្រៀងស្រីវ័យ ២៨ឆ្នាំរូបនេះ តែងតែមានចិត្តសប្បុរសធម៌ដើរជួយទៅកាន់អ្នកដែលកំពុងជួបភាពលំបាកជានិច្ច។ បើទោះបី តារាស្រីរូបនេះ ចំណាយថវិកាអស់រាប់លានដុល្លារយ៉ាងណា ក៏នាងមិនដែលបង្ហោះបង្អួតទៅកាន់មហាជន ហ្វេនៗបានឃើញនោះទេ ដោយនាងតែងតែជួយដោយស្ងាត់ៗប៉ុណ្ណោះ។ ក្រោយអ្នកគាំទ្រជាច្រើនបានឃើញនៅអំពើល្អរបស់នាងជាច្រើនលើក ច្រើនសាររួចមក ពួកគេក៏បានសរសើរពីតឹកចិត្តរបស់នាង ដែលជាតារាស្រី មិនចេះអួតពីទ្រព្យសម្បត្តិ ឬពីសម្ភារៈនិយមផ្ទាល់ខ្លួនជាសាធារណៈឡើយ៕

សូមទស្សនារូបភាពខាងក្រោម៖

LEAVE A REPLY